la vie est mode

"Backstage" saio dramatikoa

2011-01-09T18:08:00.004+01:00

Gaurkoan, saio dramatiko bat eskaintzen dizuegu. Saio honetan modeloak pasarelara atera baino lehenagoko momentuetan bizitzen dituzten sentimenduak erakutsi nahi dizkizuegu. Espero dugu zuen gustukoa izatea!

LAGA firmari egindako elkarrizketa

2010-12-24T11:46:00.002+01:00

Gaurkoan, LAGA-ko diseinatzaileei (Jose Iraolagoitia eta Arbil Irigoien) egindako elkarrizketa eskaintzen dizuegu. LAGA firma ospetsua, 1996an sortu zen eta 2004. urterarte soilik osagarriak egin zituen. 2004tik aurrera jantzi ezberdinak egiteari ekin zion eta egun LAGA, arropa, osagarri eta bitxikeriak eskaintzen dituen firma da.

Tendentzia berrien inguruko erreportajea

2010-12-23T21:32:00.003+01:00

Ez dakizuela zer jantzi? Hona hemen udazkeneko eta neguko tendentzia berrien inguruko erreportajea.

Lentzeria programaren inguruko autopromozioa

2010-12-22T15:14:00.002+01:00

Merkealdien inguruko saioaren autopromozioa

2010-12-22T15:11:00.001+01:00

Blog-aren autopromozioa

2010-12-22T15:10:00.003+01:00

2010-12-17T11:52:00.006+01:00

Barakaldo Fashion Festival
Diseinatzaile gazteen feria antolatu du asteburu honetan Barakaldoko Udalak

Abenduaren 17,18 eta 19an, Barakaldo diseinatzaile gazteen elkargunea izango da. Udaleko Gazte Bulegoak Barakaldo Fashion Festivalen estreinako edizioa antolatu du. Feria honen helburua moda munduko izen eta proposamen berriak ezagutzera ematea da.
Stand ezberdinak herriko Los Hermanos parkean egongo dira, eta erakustokia goizeko 11etatik gaueko 10etara zabalik egongo da. Igandean, aldiz, lehenengo edizio honi amaiera emango zaio arratsaldeko 8etan. Bertara hurbiltzen direnak, parte hartzaileen produktuak erosteko aukera izateaz gain, desfile, sariketa, doako tailer eta zuzeneko musikaz gozatzeko aukera ere izango dute.

(ITURRIA: Barakaldoko Udala)

2010-12-01T15:59:00.006+01:00

Lanvin publiko guztietarako
Firma Frantziarrak bere diseinuak prezio merkeetan salduko ditu H&M arropa denda katean.

Lanvin firma ospedunak poltsiko guztien neurrira egokitutako kolekzio bat salgai jarri du H&Mn, azaroaren 23tik aurrera. Kate honek munduan zehar denda ugari dituen arren, diseinu desiragarriak 200 lokaletan baino ez dira eskuragarri egongo. Espainiar estatuan Madrid Bartzelona, Valentzia, Marbella, Sevilla, Palma de Mallorca, eta Bilboko hamaika salmenta gunetan aurkituko dituzue.

Dendatan 20 eurotik 200 eurorako Lanvin produktuak aurkituko ditugu. Alber Elbaz firmako diseinatzaile artistikoaren hitzetan: “Diseinatzaileon lana pertsona gutxi batzuei zuzenduta egoten da; eta H&Mrentzat egindako kolekzio honekin luxuaren ametsa gehiengoari zabaltzea nahi genuen”.

Katearen dendetara hurbilduko den jende andana aurreikusita, erosteko modu bitxia antolatu dute. Kola egiten dagoen jende kopuru murriztu bati pultseratxo batzuk banatuko zaizkio; pultsera horiek kolore ezberdina izango dute,eta erosketak dendaren zein sekziotan hasi beharko duten adieraziko dute. Horrela, apurka apurka talde txikiak sekzioz sekzio aldatzen joango dira, poltsak betetzen eta poltsikoa husten doazen bitartean. Sekzio bakoitzean emango duten denbora beraz, mugatua izango da. Eta mugatua izango da baita erosketa: nahi izanez gero kolekzio guztia erosi daiteke, baina modelo bakoitzeko pieza bana baino ezin daiteke hartu. Neurri hauekin jende gehiegi ez pilatzea eta diseinuak ahalik eta jende gehiagorengana iristea ziurtatzen da.

Kamisetak, alkandorak, amerikanak, soinekoak, zapatak, osagarriak , bitxiak… Emakume zein gizonezkoentzako. Guztia Lanvin loves H&M lelopean.

2010-12-01T15:24:00.004+01:00

Paco Rabanne Espainiako Moda Saria 2010

Diseinatzaile gipuzkoarrak 2010eko Moda Saria jaso du. Paco Rabannek berrikuntza eta kulturari egindako ekarpena errekonozitzen du modu honetan Espainiako Kultura Ministeritzak.

Rabanne mundu mailan ezagun egin zen bere diseinuetan metala edota plastikoa bezalako materialak eta kolore biziak erabiltzeagatik. Eta bere karreran zehar nazioarteko hainbat sari jaso ditu dagoeneko, besteak beste, Urrezko Orratza (Paris, 1977) eta Lurrinen Oscar saria (New York, 1975).

Francisco Rabaneda y Cuervo 1934an jaio zen, Pasai San Pedron. Bere ama Balenciagako jostuna zen, eta bere aita alde errepublikanoko koronela. Azken hau fusilatu zutenean, familia Frantziara erbesteratu zen. Rabanne Arkitekturan matrikulatu zen Parisko Arte Ederren Goi Mailako Eskolan, eta ikasketak ordaindu ahal izateko milaka moda bozeto egiten zituen. Horrela, apurka apurka moda sektorean murgiltzen joan zen. Balenciaga, Dior eta Givenchy bezalako firmei botoiak eta bitxiak saltzen hasi zen lehenengo; 1964an bere estreinako kolekzioa aurkeztu eta “Paco Rabanne” marka jaio zen; eta egun, arropa ez ezik, bere izena daramaten kosmetiko eta lurrin ugari ere baditu.

1999an goi mailako joskintzatik erretiratu zen, baina bere izenak eta bere estiloak aurrera darraite.

(ARGAZKIA: FASHIONASSISTANCE.NET)

2010-11-19T11:36:00.016+01:00

Izarren jantziak Zubiarten

Urriaren 20tik aurrera filme ezberdinetan azaldutako arropak ikusgai egongo dira Bilboko Zubiarte merkatal zentroan. Bertan, hiru astetan zehar, azken urtetako pelikula garrantzitsuenetan azaldutako Sastrería Cornejoren jantziak ikustea posible izango da.

Hauen artean, Pénelope Cruzek La niña de tus ojos filmean eramandako soinekoa egongo da edota Alejandro Amenábarren Agora pelikulan azaldutako jantzi bat. Bestetik, Russell Crowe eta Cate Blanchett protagonista izan ziren Robin Hooden bi traje ikustea posible izango da.

Sastrería Cornejo, 1920an sortu zen enpresa, zine aretoetan arrakasta itzela izan zuten filmetan ikusten ziren jantzien diseinatzaileak dira, esaterako Prince de Persia, Alatriste, El rey pasmado o Elizabeth.

«Klitxe asko faltsuak direla demostratu da; errege, erregina, heroi eta bilauek ez zirelako horrela jazten», azaltzen dute erakusketaren antolatzaileek. «Jantzi hauek ikerketa historiko zurrunen emaitza dira, idatzizko iturriak ez ezik garaiko aztarna piktorikoak, litografiak eta margolanak ere kontuan hartzen dituena», azpimarratzen du Sastrería Cornejok.

Egun, begirada etorkizunean jarrita daukate, izan ere, Biutiful, Balada triste de trompeta edota También la lluvia bezalako pelikuletan azalduko diren jantziak euren ekoizpenak dira. Beraien hitzetan «joskintza zine arloko profesionalei baino interesatzen ez zaien elementua da. Modaren senide pobrea gara». Beraz, Zubiarten aukera aproposa daukate erakusteko filmetako jantziek xarma handia eduki dezaketela.

ITURRIA: elcorreodigital.com

2010-11-19T11:35:00.014+01:00

CIBELES MADRID FASHION WEEK 2010-2011
Espainiako diseinatzaile famatu eta ezagunetarikoak 2010-2011 udazken-negu denboraldi berria aurkeztuko dute Madrilen, Cibeles Madrid Fashion Week astean. Gertakari ezagun hau otsailaren 18tik 23ra arte iraungo du, Ifema azoka gunean.

Aurten, 14.000 metro karratuko pabiloia eraiki da. Azoka iraungo duen sei egun horietan zehar helburua diseinatzaile espainolak bultzatzea eta hedatzea izango da.

Betiko desfileei ematen zaizkien bi egongelaz aparte, bestelako espazio bat egokituko du Cibelesek “Cibelespacio” izenarekin. Leku horretan gonbidatuak dauden firmek euren diseinuak publikoari erakusteko aukera izango dute, horrez gain, makillaje eta edertasun-produktuak probatzeko aukera egongo da ere.

Aurreko edizioetan bezala,otsailean ospatuko den ekitaldi honetan blogarientzako gune berezia egongo da ere.

(ITURRIA: ABC)

Ongietorriak!

2010-11-12T11:37:00.005+01:00

Jada abian daukagu modaren inguruko blog-ik interesgarriena. Azken tendentziak la vie est mode-n aurkituko dituzu. Hemendik aurrera albisteak, elkarrizketak, erreportaiak... entzun eta irakurtzeko aukera izango duzue. Modazalea bazara, gorde helbide hau zure gogokoenen artean, you must have it!

Eta gogoratu, zure iritzi eta komentarioen zain gaituzue!